Энэ киноны талаар бичих болсон нь учиртай. Миний хувьд энэ киног гарахаас өмнө Бэтменийг төдийлөн сонирхож үздэггүй байсан. Бүр энэ шинэ цувралын 1-р анги гарахад ч миний сонихолыг татаагүй. Бэтмений хоолойг сонсоод хөх инээд хүрч байсан шүү. Гэвч Харанхуйн баатар нэртэй энэ анги гарсанаар миний бодол жинхэнэ орвонгоороо эргэх шиг болсон. Сүүлдээ хамгийн шилдэг комик баатраар Бэтменийг нэрлэмээр санагдаж байлаа. Гэхдээ энэ кинонд дурлах болсон хамгийн том шалтгаан бол Жокер. Миний хувьд энэ киноны Жокер бол бүх цаг үеийн хамгийн шилдэг эсрэг дүр.

Нэр: Бэтмен: Харанхуйн баатар
Найруулагч: Кристофер Нолан
Гол дүрд: Кристиан Белл, Хэйт Леджер

Ер нь бол Кристофер Ноланы бүтээлүүд гайхалтай гэдэгтэй хэн ч маргахгүй биз. Энэ киноны зохиолын тал дээр бүр гайхалтай ажилласан санагдсан. Учир нь зохиолын өрнөл, зангилаа, оргил хэсгүүд бүгд гайхалтай тайлагдашгүй, сонирхолтой болсон. Сүүлийн үед хэт их кино үздэгээс болоод тэр үү “За энэ одоо тэгэх байхдаа” гэж бодтол яг л тийм үйл явдал болоод кино жаахан сонирхолгүй болчихоод байдаг. Харин Ноланы бүтээлүүд үргэлж эхнээсээ эцсээ хүртэл тайлагдашгүй гэнтийн үйл явдлаар дүүрэн байдаг.
Жокер бол хэзээд Бэтмений хамгийн том дайсан байсаар ирсэн. Харин үүнийг кинонд хэрхэн харуулах вэ гэдэг асуудалтай санагдаж байсан шүү. Харин энэ киноны зохиол бол гайхалтай, зүгээр л гайхалтай учраас Жокерын тэр хорон санаат үйл хэргийг маш сонирхолтойгоор гаргаж иржээ. Харин түүнийг нь Хэйт Леджер ингэж амилуулна гэж санах билээ. Шинэ кино биш болохоор үйл явдал бичих нь илүүц биздээ зүгээр л өөртөө төрсөн сэтгэгдлийг буулгамаар санагдсан юмаа.

Хамгийн харамсалтай зүйл бол Хэйт Леджер кино гарсанаас хойш удалгүй нас барсан явдад юм. Тэрээр энэхүү дүрээрээ Оскар, Алтан бөмбөрцөг гээд олон төрлийн кино наадмуудаас шилдэг туслах дүр, шилдэг эрэгтэй жүжигчин гэх мэт шагналыг хүртжээ. (RIP Heath Ledger)

За тэхээр гунигтай хэсгийг орхиод бас нэг дурдахгүй өнгөрч болохгүй зүйл юу вээ гэхээр уг кинонд гарах техник, технологи. Бэтмений машин Нолан шинэ цуврал дээр жинхэнэ утгаараа супер машин болсон. Тэгсэн бүр энэ анги дээр урд хоёр дугуй нь салж гайхалтай мотоцикл болон хувирдаг. Мөн гар утсаар дамжуулан хүмүүсийн байрлалыг илрүүлэх төхөөрөмж гэхчлэн гайхалтай зүйлүүд их гарна.

Ямар ч зүйл төгс биш байдаг даа. Энэ кино төгсөд ойртсон кино болсон шүү. Төгс болдоггүйн наад захын жишээ бол Бэтмений хоолой. Хахаха. Тэрийг сонсохоор яалтчгүй инээд хүрээд байдаг юм даа.

Удахгүй 2012 онд Харанхуйн баатрын сэргэлт нэртэй шинэ анги гарна. Их хүсч хүлээж байна шүү.

Гарсан он: 2006
Найруулагч: Франк Корачи
Төрөл: sci-fi comedy-drama
Гол дүрүүдэд: Адам Сэндлэр, Кейт Бекинсэл, Кристофер Волкен
IMDB үнэлгээ: 6.6/10

Гол агуулга: Майкл Ньюмен гэдэг залуу амьдралыг яг л хуурцаг шиг ухраах, урагшлуулах боломж олгодог удирдлагатай болдог. Гэвч удирдлага түүний хүссэнийг давуулан биелүүлж эхэлсэнээр амьдрал нь орвонгоороо эргэдэг.

За тэр яахав. Адам Сэндлэр бол инээдмийн төрөлд гайхалтай жүжигчин. Гэхдээ жүжиглэлтээсээ илүүтэй спийч гэж ярьдаг аман хэлбэрээр хүмүүс инээлгэх чадвар нь илүү юм даа. Энэ кинонд тэрээр дан ганц хүнийг инээлгээд зогссонгүй, хүний сэтгэлийн нандин утсыг хөндөж, догдлуулж чаддаг юм. Киноноос олж авах хамгийн гол зүйл нь хүн өөрийн хүсч байгаа зүйлээ тэр бүр мэддэггүй. Жаахан зүйлд шантарч, амьдралыг хялбарчлах гэсэн бэлэнчлэх гэсэн сэтгэлгээтэй байдаг нь юунд хүргэж болдоггийг харуулжээ. Мөн хамгийн гол нь хүний амьдралд хамгийн нандин зүйл бол ГЭР БҮЛ байдаг юм гэдгийг кинонд гайхалтайгаар харуулдаг.

Энэхүү киног анх үзэхэд эхэндээ инээд хөөр болж, нээрээ ийм удирдлагатай болчихвол догио гэж бодогдсон шүү. Дунд хэсэгтээ хэтэрхий маазраад, жаахан уйтгартай болдог нь үнэлгээг буруулчихдаг юм шиг санагддаг. Гэхдээ төгсгөл бол гайхалтай. Хамгийн оргил хэсэг нь Майкл (Адам Сэндлэр) эмнэлэгт үхэх гээд хэвтэж байснаа хүүдээ “Гэр бүл нэгт байх ёстой” гэж хэлэх гэж гардаг хэсэг шүү дээ. Энэ хэсгийг үзээд өөрийн эрхгүй дотор сонин болоод л огшоод ирдэг юм. Тэгээд үхэх гээд хэвтэж байхдаа эхнэртэй хандаж бичсэн зурвас нь гарч ирнэ “Will you still love me in the morning”. Муйхар миний орчуулгаар бол “Өглөө болоход чи надад хайртай хэвээрээ байх уу” гэж гардаг. Харин хариу нь тэр хоёрын үг болох “Forever & ever babe” Ерөнхийдөө бол энэ үг нь энэхүү киноны бренд үг юм уу даа. За тэгээд үхэх гээд хэвтэж байхдаа энэ зурвасаа эхнэртээ өгтөл эхнэр нь хараад “Forever & ever babe” гээд хэлэхэд л огшоод явчихдаг юм даа. Нэг удаа үзэхэд гэмгүй л кинодоо. Би бол олон үзээд уйдаагүй л байна.

Блогтоо орж ирэхгүй байсаар надад гомдож байх шиг байна даа. хэхэ. Их бодож байгаад нэг өдөр сайхан юм бичих байлгүй дээ. Тэрнээс урьтаад жижиг зүйлүүд бичиж л байдаг юм билүү

Санасныг бодвол, шилтгээн нь гэгээнтний аглаг сууцтай ер адилгүй, харин ч хөл ихтэй газар байж. Тэнд бараагаа санал болгосон наймаачид холхиж, булан тохойд нь хүмүүс цугларан элдвийг ярьцгааж, жижиг найрал хөгжим ялдамхан ая тоглож байсны дээр том танхимын дунд энэ нутагт олж болох хамгийн тансаг нандин идээ ундаа тавьсан ширээ зассан байж гэнэ.

Мэргэн зочдынхоо дундуур яаралгүй явж ярилцаж байсан болохоор залуу ээлжээ хоёр цаг хүлээж гэнэ.

Залуугийн хүрэлцэн ирсэн хэрэг зоригийг сонсоод, Мэргэн аз жаргалын нууцыг одоо тайлбарлах завгүй учир шилтгээнээр явж байгаад хоёр цагийн дараа энэ танхимд ирэхийг түүнээс хүсчээ.

“Гэхдээ би чамаас бас нэг юм хүсмээр байна”, хэмээн Мэргэн хэлээд залууд хоёр дусал тостой цайны халбага өгөөд “энэ халбагыг аваад яв, харин тосыг нь асгаж болохгүй шүү” гэж.

Залуу халбаганаасаа харцаа салгалгүй ордны шатуудаар өгсөж, бууж явсаар байгаад хоёр цагийн дараа Мэргэн дээр ирэхэд тэрээр:
“За, зоогийн танхим дахь перс хивсүүд чамд таалагдав уу? Цэцэрлэг дэх арван жилийн турш хамгийн уран мастеруудын ургуулсан мод, цэцэг ямар санагдав? Миний номын санд байгаа эртний ном судрууд таалагдав уу?” гэв.

Ичсэн залуу шилтгэний эзний даатгасан тосыг асгахгүйг хичээн түүнд бүх анхаарлаа төвлөрүүлсэн учир юуг ч хараагүй гэдгээ хүлээн зөвшөөрөхөд Мэргэн:
“Тэгвэл дахин явж миний гэрийн бүх гайхамшгийг үзээд ир. Хүн хаана, яаж амьдардгийг мэдэхгүй бол түүнд итгэж болдоггүй юм” гэжээ.

Халбагаа барин залуу дахиад л танхим, хонгилуудаар явж гэнэ. Энэ удаад биеэ тэгтлээ их барихгүй өрөөнүүдийг чимсэн ховор нандин зүйлс, урлагийн бүтээлүүдийг харж авчээ. Цэцэрлэгүүд, шилтгээнийг бүсэлсэн уулсыг харж, анхилам сайхан цэцэгс хийгээд уран зураг, баримлуудыг нүдийг нь олж байрлуулсныг үнэлжээ. Мэргэн дээр буцаж ирээд үзэж харсан бүхнээ дэлгэрэнгүй тоочиж гэнэ.

“Чамд асгалгүй аваар ирээрэй гэж өгсөн хоёр дусал тос хаана байна вэ?” гэж Мэргэн асуув.

Залуу нөгөө тосоо асгачихснаа сая л нэг юм мэдэв.

“Аз жаргалын нууц нь хорвоогийн гайхамшиг, сайхан бүхнийг олж харж явахдаа цайны халбага дахь хоёр дусал тосоо мартахгүй байхад оршдог юм. Чамд миний өгч чадах ганцхан зөвлөгөө минь энэ дээ” хэмээн их мэргэн хэлж гэнэ.

Мельхиседекийн ярьсныг сонсоод Сантьяго удаан дуугүй суулаа. Тэрээр өвгөний юу хэлэх гэснийг ойлгосон аж…

(Пауло Коэльо – “Алхимич” 1988 номын хэсгээс)

Өнгөрөгч ням гариг буюу 8-р сарын 21-нд дүүгийнхээ төрсөн өдрийг далимдуулж Harry Potter: Deathly Hallows Part 2-ийг зорин байж үзлээ. Удаан ч хүлээснийг хэлэх үү орохынхоо өмнө дүүтэйгээ яаж дуусах талаар янз бүрийн санаа дэвшүүлж ярилцаж байв. Харри үхэх үү, Снейп үнэхээр урвасан гэж үү эсвэл өөр санаа агуулж байгаа юу, Үхлийн гурван шүтээний нэг нь хаана байна вэ гээд л…

Тэнгис кино театрт Харри Поттерийн нээлтэнд зориулан тусгайлан зассан үзэсгэлэнгийн хэсэг байсан нь үнэхээр сонирхол татахуйц байлаа. Ном болон ДВД хувилбар, Харригийн өмсгөл, Нимбус 2000 шүүр, шидэт саваанууд гээд л…

За тэгтэл нэг юм кино эхлэх цаг боллоо. Хоёр давхарт гартал 2-р танхимд орох гэсэн хүмүүс попкорн зардаг хэсэг хүртэл давхар эгнээ болон цуваа үүсгэсэн байв. Кино эхэллээ. Киноны 1-р хэсэгт Волдиморт Элдер Вандыг авч дуусдаг шүү дээ. Яг тэр үйл явдлаар кино эхэлж байна.

Ер нь киноны үйл явдлын талаар ярих нь утгагүй хэрэг биздээ. Хэрвээ үзээгүй хүн үүнийг уншчихвал утгагүй болчихно тиймээс ерөнхий өөрт төрсөн сэтгэгдэл дүгнэлтээ хүргье.

Бүх үйл явдлын зангилааг тайлж байгаагаараа энэ анги үнэхээр их үйл явдлыг агуулсан санагдсан. “Хөөх тийм үү.” “Энэ ийм учиртай байсан юм уу” гэсэн гайхшралуудаар дүүрэн байлаа. Үүнээс миний хамгийн ихээр сонирхож байсан зүйл нь Horcrux буюу Волдимортын сүнсээ шингээсэн зүйлүүдийн эцсийх нь юу байх вэ гэсэн бодол. Өмнөх бүх ангиудыг үзээд надад Харритай ямар нэг байдлаар тэр нь холбоотой байгааг мэдэж байсан юм. Тэгтэл яг миний бодож байснаар болж таарсан. Мөн Амь оруулагч чулууг хаана нуусан талаар дүүгийн маань дэвшүүлж байсан санаа зөв болж таарсан.

Харри Поттерын цуврал ямагт хүүхэд залуус, ер нь хэн бүхэнд нөхөрлөл, үнэн ч зан, шударга байдал, урван тэрслэлт, хорон муу санаануудын талаар үргэлж үнэтэй сургамжуудыг өгч чаддаг билээ. Энэ удаагийн анги дээр ч мөн энэ талаар маш сайн харуулж өгсөн байдаг. Ганц Харригийн төлөө Хогвардс сургуулийн бүх андуудад нь түүнийг хамгаалан тулалдаж байдаг. Мөн Невиллийн тэнэг юм шиг хэрнээ зоригтой зан чанар. Хермионагийн ухаалаг байдал. Хэдийгээр яах ч аргагүйгээр Үхлийн ангуучидтай нэгдсэн боловч эцэст нь зөв замыг сонгосон Малфойгийн гэр бүл. Хайр сэтгэлийн ариун нандин байдал, түүний хүчийг харуулж чадсан Харригийн ээжийн хайр болон Снейпийн хайр гээд л… Сургамжтай зүйлүүд энэ киноноос их гардаг билээ.

Дүрүүдийн хувьд ярих юм байхгүй ээ. Яахавдээ дунд сургуулийн сурагчийн дүрд тоглож байгаа атлаа хэтэрхий том жүжигчид тоглож байгаа гээд үргэлж хэл амны бай болж байдаг. Гэхдээ тэр ямар хамаатай юм бэ. Харригийн дүр Даниел Радклиф-ээс өөр хүн тоглосон бол ямар санагдах байсан бэ. Мэдээж тэгвэл энэ киноны энэ үнэ цэнэтэй байдал алдагдах байсан бизээ. Энэ киног гарахаас өмнө нилээд олон удаа уран бүтээлчидтэй хийсэн ярилцлага, киног хийж дуусаад хамгийн сүүлд арван жилийнхээ түүхийг эргэн харж байхдаа тэдний хэрхэн догдолж, мөн нулимс унагаж байгааг харж байсан. Хамгийн анх гол дүрийн гурван жаахан хүүхэд шалгаруулалт дээр хэрхэн жүжиглэж байгааг хүртэл хараад инээд хүрч байлаа. Тийм жаахан жаалууд өнөөдөр 10 жилийн дараа ийм болжээ гээд л.

Яалтчгүй өнгөрсөн 10 жилд бид бүхний амьдралтай ч мөн адил нэгдэж чадсан Харри Поттер киног бүтээгчид, энэхүү гайхалтай зохиолыг тууривсан Ж.К.Роулинг-д талархахгүй байхын аргагүй юм даа. Харин цаашид хүн бүр өөр өөрсдийнхөө дотор уг зохиолыг үргэлжлүүлэн Албус Северус Поттер болон түүний найз нарын сонирхолтой адал явдлыг өрнүүлэх биздээ.

Сэтгэл хөдөлгөсөн сайхан киноны талаар хэлэх гээд, магтах гээд үг олдохгүй юм даа.

IMDB-ээс 8/10 оноо авсан байсан. Миний хувьд 9 хүртэл оноо өгөхөөр санагдаж байгаа. Та ч мөн өөрөө үзэж өөрийн үнэлэлт дүгнэлтээ өгөөрэй.

Ер нь сүүлийн үед кино үзээд сэтгэл хангалуун гарч ирэхээ байжээ. Ядаж байхад сүүлийн үеийн кинонууд яасан ч урт болцгооцон юм. Үүний өмнө бас Pirates of Caribbean-ыг үзэх гэж байж ядсаар байж таарсан. 2 цагийн кино гэхэд 3 цаг үргэлжилж байгаа юм шиг л хүн залхаасан. За тэр яахав гол сэдэвтээ оръё.

Юун түрүүнд Тэнгис кино театрын орчноос эхлэе. Наадмаар хүмүүс амраад хийх юмгүй болсон бололтой кино театрууд дүүрэн хүнтэй. Билет ч олоход хэцүү байлаа. 5 цагийн билет авах гэж очоод ололгүй 8 цагийн билет авсан ч тэр нь бүр хойгуур, захын суудал таарчээ. Одоо яаая гэхэв үнэхээр л үзэхийг хүссэн юм чинь. Ер нь энэ Тэнгис Өргөө кино театрыг бодвол жижигхэн дэлгэцтэй хэрнээ тийм олон хүний суудалтай байдаг нь яадаг юм болоо. Хойгуур гэхээр нь арай ч тийм хойно байна гэж бодсонгүй. 19-р эгнээ байхдаа яахав дээ. хахаха. Кино үзэхэд ямар ч тохиромжгүй эгнээ байлаа. Бас нэг юм шүүмжлээд хэлэхэд ямар аймшигтай бөгчим байсан бээ. Нуруу дагаж хөлс урсаад л…. хахаха.

Харин киноны хувьд бол өмнө нь трейлерыг нь 3Д-ээр ч тэр 2Д-ээр ч тэр хэд хэд үзсэн. Чухам л гайхалтай сэтгэгдэл түрүүлж байсан. Гэтэл…

1. Зохиол:
Сем сургуулиа төгсчихсөн. Тэгсэн ажил олддоггүй. Дэлхийг 2 ч удаа аварсан хүнд ажил олдохгүй байна гээд л гомдоллоно. Бас найз охиндоо хаягдчихсан.(megan fox) Гэхдээ даруйхан л өөр нэг хүүхнийг олоод авчихсан гарна.
Тэртээ 1961 онд Аполло хөлөг саран дээр яах гэж газардсан бэ гэдэг нь Сайбертроноос зугтаж гарсан сансрын хөлөг тэнд газардсанаас болжээ. Үүнийг хүн төрөлхтөн олж илрүүлэн. Хүйтэн дайны үеийн Орос АНУ хоёр бие биеэсэ өрсөж тэр нууцыг мэдэх гэсэн бас бие биеэ хардсан нь тэнд очиход хүргэжээ. Тэгтэл харь гаригийн хөлөг байж гэнэ. Үүнийг маш нууц түвшинд явуулсан бөгөөд цөөн тооны хүн мэддэг. Бүр гайхалтай өндөр хөгжилд хүрсэн Аутоботууд ч мэдэхгүй байлаа. Харин Десептиконууд аль хэдийн мэдсэн, мэдсэн ч юу байхавдээ угаасаа Мегатрон тэр хөлгийг жолоодож явсан Сентиналтай хуувилдсан байсан юм байж. Дэлхий дээр газардана гэж байснаа чадалгүй саран дээр сүүрчихжээ. Сентинал нь уг нь Аутобот. Оптимусын багш. Тэгсэн хэнээ Мегатронтой үгсэж, урвасан байж.
Оптимус үүнийг мэдэхгүй бөгөөд хуучин удирдагчаа нөгөөд нэг Праймуудын эзэмшдэг Матрицын тусламжтайгаар амилуулснаар л хамаг юм балрах нь тэр. Тэгээд л Чикаго хот үнсэн нурам болж байгаа юм даа.

Уг нь зохиол нь их л сонирхолтой санагдаж байгаам. Даанч үүнийг гаргаж ирэх гэж яасан ч ядцан юм дээ л гэж санагдлаа. Нөгөө алдарт найруулагч Стивен Спилберг яач ваа мэдэхгүй. Майкл Бей ч угаасаа л нэг бөөн сүр дуулиан болсон юманд дуртайгаас хойш нь тэр нь гарах нь гарсан. Үйл явдлуудын хоорондох холбоос, дүрс хооронд шилжиж байгаа найруулгууд их л муу санагдлаа даа.

Кинонд гарсан хөгтэй явдлууд:
Яг эд тулаан болж байхад Оптимус нисдэг болоод л нисээд л байлдаад байлаа. Тэгсэн кран дээр зогсож байхад нь Шоквейв нэг буудаад л краны төмөр утсанд орооцолдцон. Хүмүүс энэ Оптимус хайччихваа гэсэн чинь хоёр жижигхэн робот тэр утаснаас нь салгах гээд оролдож байна гэнэ. Нөгөө гайхалтай Оптимус Прайм шүү дээ. хаха

За тэгсэн чинь хүмүүс дайрч байна гэнээ. Тэнгэр багандсан өндөр барилга руу авираад л байх юм. Тэгээд бараг оройд нь гарснаа буцаад л үсрэх юм. Яах гэж байгаан гэсэн чинь доор байгаа Десептиконуудын нуруун дээр нь гэндүүлж буугаад урд нь унж доороос нь буудаж алах юм гэнэ. Өндрөөс үсэрч байгаа юм чинь замдаа шүхэр дэлгэнэ. Юу ч хийгээд байгаан.

Тэгсэн Сем хэдэн гаруудтай ганц пуужинтай буугаар дайсны гол цэгрүү буудах гээд л бас өндөр барилгаруу гарна. Тэгснээ Нэг нь буудах гэснээ айгаад л тэгсэн Сем аргадаж зоригжуулаад л… хаха

За тэгээд эд тулаан өрнөж байлаа. Тэнд Сем шиг завтай хүн алгаа. Сем ганцаараа л тэр тулаан дундуур гүйгээд л байх юм. За байж байгаараа. Гүйхээсээ өмнө нь найз охиноо орхиод явах болтол нөгөөдөх нь явуулахгүй гэнэ. Тэгсэн чинь хоёр хацар дээр нь гараа тавиад аргадана. Төсөөлдөө. Шинэ найз охин нь нэээх муухай доровгор уруултай. Тэгсэн дээрээс нь Сем хоёр хацрыг нь хавчиж бариад улам дорвойлгоод. Нөгөөх нь явуулахгүй гээд… За тэгээд яаж байлаа. Сем гүйж байсан. Тэнд нь бас нэг хүн төрөлхтнөөс урвасан “баагий” гүйж байгаан. Тэр хоёр хоорондоо үзэлцэнэ дээ.

Тэгсэн гэнэтхэн Аутоботууд баригдчихсан. Десептиконууд олзны хүн байх ёсгүй бүгдийг нь ална гээд л. Хөөрхий муу Бамблбий залбирлаа хэлж байтал ашгүй дээрээс нь юм нурж орж ирэхийг далимдуулж эргэн тулалдана. Угаасаа тэгэж тулалдах л байсан юм бол юу гэж тэгэж олзны хүн болж зогсоо юм. Нээх дуулгавартай.

Заза үйл явдал бол нэг иймэрхүү. Ямар ч учир нь олдохгүй замбраагүй байгааз. Яг тийм байсан.

2. Дүрүүд:
Сем яагаад найз охиноо сольчихсон юм бэ. Меган Фокс тэнэг байсан л даа. Гэхдээ яагаад заавал ийм гэж… Бүр т1.
Семийн аав ээж – Ёстой ямар ч хэрэггүй дүр. Жаахан хөгжилтэй юм нэмэхгээд байгаа юм шиг байгаан.
Тусгай ажилтан Симмонс – Их мэдэг ч. Хэний ч мэдэж чадахгүй байгааг. Чалчаа Симмонс олж мэддэг… хаха
Түүний туслах Дач – За ёстой зэрлэг гар даа. Ямар ч сүлжээнд хакардаж чаддаг. Тулаанд гаргуун. Жаахан маанаг.
Леннокс – Үхэшгүй цэрэг. Уг нь 1-р анги дээрээ гэр бүлтэй байсан шиг л санагдаад байгаан. одоо бүр тэр хамаагүй болсон.

За нэг иймэрхүү замбраагүй, бужигнасан л кино болждээ. Жаахан тухгүй ч үзсэнийг хэлэх үү. Тааламжгүй л сэтгэгдэлтэй үлдээ.

Нээрээ дашрамж хэлэхд Spiderman-ийн шинэ анги гарна. Энэ анги нь өмнөх ангиудын үргэлжлэл биш. Бүр цоо шинэ эхлэл юм билээ.

Та хоёртоо хайртай шүү.

Гэрэл зураг сонирхон, ажлаад чамгүй хугацаа өнгөрсөн байна. Харин одоо илүү бүтээлч байх үүднээс, мөн бусадтай мэдлэг, мэдээллээ хуваалцах үүднээс ажлууд хийж эхэллээ.

“Гэрэл зураг” нэртэй ТВ-ийн нэвтрүүлэг хийж эхэлснийг зарим хүмүүс мэдсэн байхаа. Үүгээрээ Монголын гэрэл зургийн хөгжилд өөрийн гэсэн хувь нэмрийг оруулахыг зорьж байна. Нэвтрүүлгээ гаргаж эхлээд 3 дугаар гаргалаа. Бидэнтэй хамт байгаа үзэгчидтэй бас талархаж байгаагаа хэлье…

Энэхүү нэвтрүүлгээр монголын чадварлаг гэрэл зурагчдаа олонд таниулах, гэрэл зурагчин хүний ажлын хүнд хэцүү байдлыг харуулах, гэрэл зураг сонирхон суралцаж байгаа хүмүүст мэдлэг, мэдээлэл өгөх зорилгуудыг өмнөө тавьж ажиллаж байна. Мөн өөрийн уран бүтээлүүдээ ч зогсоолгүй үргэлжлүүлсээр байна.

Хамт ажиллаж, тусалж дэмжиж байгаа хүмүүстээ их баярлаж байнаа. (Тавка чи энд том байр эзэлж байгаа шүү )

Сайхан цаг үргэлжилсээр…

“Эх дэлхий” гэдэг нэрийг зүүлгэн долигнож арайхийн амь зууж байж бас өөрсдөөс нь аврал эрж байна гэж хийрхэнэ гэнэ ээ. Мунхаг хүний богино бодол санагдана. Бид хэтэрхий даварч байгаа шүү дээ. Биднийг тэвчээд л хараад байгаа болохоос биш дургүйгээ хүрвэл нэг хөрвөөх төдийд устаж үгүй болох өчүүхэн амьтад шүү дээ бид нар. Бид дэлхийг хөнөөж байна гэх юм. Түүнийг хөнөөтөл өдий биз. Биднээс өмнө байсан. Цаашид ч байх биз. Хэр удахыг хэлж мэдэхгүй. Ямартай ч бидний мунхаг үйлдлээс болж сөнөх “жижиг гар” биш тэр дэлхий чинь. Нэг эргэлтээр биднийг үгүй хийчихээд цааш хараад амьдрах чадалтай. Дэлхийг аврах бус өөрсдийгөө хэрхэн аврах вэ гэдэгтээ анхаармаар юм. Өөрсдийгөө үгүй хийж байгаагаа ойлгомоор юм.
Бид эхийгээ хөх жинс, шар айргаар сольчихсон тэнэгүүд юм. Үнэгүй өгөөд байгаа зүйлсийг нь устгаж үгүй болгочихоод эргээд үнэтэй худалдаж авна гэж эндүүрч байгаа мангарууд. Та нарын бэл бэнчин хүрэхгүй. Та нар дундаас овойж оцойж гараад байгаа тэр Билл Гейтс, оросын тэрбумтанууд ч барахгүй. Сайн бодвол тэд нар чинь зүгээр л цаас атган суугаа шдэ. Гэтэл өглөө босоод хорт утаанд угаартан үхэж яваа байж яаж тэдэн шиг болох вэ хэмээн ухан бодох юм. Мэдлэгтэй нэг нь үүнийг нь сануулаад кино, дуу хөгжим, зураг, шүлэг зохиогоод үзүүлээд байхад. Хэдэн саяараа үзчихээд юу ч ухахгүй яасан “зэрлэг” кино вэ гэж хөөрцгөөгөөд яасан их орлогтой кино вэ гэж мунхаглацгаагаад…
Өөрсдийгөө энэ гаригийн эзэд гэж өргөмжилөөд. Ухаад бодвол хумхын тоосноос ялгарахгүй өчүүхэн юмс шүү дээ. Хийж бүтээ гээд жаахан ухаан хайрлахаар хийсгэж утсгаад дуусгаж байна даа хөөрхий. Би та нараас ялгарахгүй “мал” байна. Бид удахгүй. Хамтдаа тэр харанхуй өдөрлүү хөтөлцөөд гүйцгээе. Аль болох хурдан хүрч үхэцгээе. Тэр цагт аврал эрээд байна гэж бодоод буй дэлхийдээ “ээждээ” ачыг нь хариулсан хэрэг болох биз. Хариулаад ч байх юу байхав дээ. Хариулахгүй байснаас дээр юм болох биз. ХАХАХАХА

Цаг хугацаа

Энэ цаг хугацаанд бид юу вэ?

“Өдөр хоног бүхэн өнө мөнхийн нэгээхэн хэсгийг өөртөө тээж явдаг” – Пауло Коело

Өчигдөр ном уншаад бодож суулаа. Цаг хугацаа гэж ер нь юу юм бэ? Өнгөрсөн, одоо, ирээдүй гээд л хуваах юм. Тэгээд өөрт нэгэн санаа бууж ирсэн тул магадлахын тулд та бүхэнтэй хуваалцаж байна.

Цаг хугацааг өөрийн тань сууж буй өрөө гэж төсөөл. Тэгээд таазнаас юу ч юм нэг биет унагаая. За бөмбөг гээд бодоод үзье. Бөмбөг таазанд байх үед шаланд буух нь ирээдүй байна. Газарт буух үед таазанд байсан үе нь өнгөрсөн болж хувирна. Таазанд байх яг тэр агшин тэр үедээ одоо. Газарт буух хүртэлх бүхий л агшин тухайн хором бүртээ одоо, одоо, одоо. Ард үлдэх орон зай бүр өнгөрсөн, урд байх орон зай бүр ирээдүй байна.

Тэгвэл өрөөнд бөмбөг байхгүй. Таазнаас шал хүртэл бөмбөг ямар ч зам туулахгүй. Учир нь тэр байхгүй байна гээд бодоод үзье. Тэгвэл тэр орон зайн аль хэсэг нь өнгөрсөн үе вэ? Аль нь ирээдүй вэ? Одоо гэж байна уу?

Үүнтэй нэгэн адилаар бид энэ орчлонд мэндэлж, үхэх хүртлээ. Өнгөрсөн одоо ирээдүй гурван цагийг бүтээж явдаг.

Би байхгүй бол энэ гурван цагийн аль нь ч байхгүй. Үгүйсгээд чи байхгүй байсан ч цаг хугацаа явдгаараа явж л байна гэж хариулах байх. Гэхдээ би байхгүй юм чинь тэр цаг хугацааны орон зай надад ямар ч хамаагүй. Би байснаараа тэр хоосон орон зайг утга учиртай болгож байна.

Монголын түүх үү? Тиймээ Монголд өнгөрсөн үе бий. Гэхдээ тэрийг мөн л хүмүүс бүтээсэн. Тэр хүмүүсгүйгээр өнгөрсөн үеийн түүх хийгээд өнөөдрийн энэ нэг үг бүрийг шивж байхад үсэг бүрт байх одоо, одоо, одоо, … , аль нь ч байхгүй. Одоо гэдэг үгийн эхний О-г хэлэхэд сүүлийн О ирээдүй. Сүүлийн О-г хэлэх үед эхний О өнгөрсөн болж хувирна. Энэ үгийг хэлээгүй байхад аль ч цаг нь байхгүй.

Хэлэх гээд байгаа санаа нь бүх юм өөрөөс тань л хамаарна. Та өөрөө энэ гурван цаг юм. Бид цаг хугацаа хэмээх хоосон орон зайг өөр өөрсдийхөөрөө амьдруулж өнгөрсөн үеийн дурсамж, одоо цагийн үйл, ирээдүйн мөрөөдөл, болгож байдаг. Бид өөрсдөө цаг хугацааг төгөлдөржүүлж байгаа учир цаг хугацаа биднээр тэжээгдэж байдаг.

Бид одоог л бүтээнэ. Өнгөрсөнг дурсана. Ирээдүйг харин үл мэднэ. Тэр бол хоосон. Агшин, хором бүрт “Ирээдүй” бидэнд ирж “Одоо” болон түүнийг бид өөр өөрийхөөрөө хувиргаж “Өнгөрсөн” болгоно.

Цаг хугацаа хэмээх орон зайд “Одоо” маш бага хэмжээг л эзэлж байдаг. Бидэнд хэр их одоо байхыг мэдэхгүй. Хэзээ хаанаас юу ирээд намайг үгүй хийчих. Эсвэл би юунд өртөх тэрийг мэдэхгүй. Ямар ч байсан эцсийн амьсгал хураах хүртлээ “Одоо” гэдэг зүйл надад байна. Яг тэр одоо бүрийг та хэрхэн өнгөрүүлж байна вэ?

Таньд зөвхөн “Одоо” л байгаа учир түүнийг хайрла. Мөн та энэхүү цаг хугацааг бүтээж, төгөлдөржүүлж байгаа учир үүгээрээ бахарха. Илүү урамтайгаар “Одоо”-г бүтээ.

Өнгөрсөн хийгээд Ирээдүй таньд байхгүй. Хэр их “Одоо”-г та “Өнгөрсөн” хэмээх хий хоосонг бодож өнгөрөөх вэ? Тэр танаас холдон одсон. Мөн хэр их “Одоо”-г “Ирээдүй” хэмээх өөр нэг хоосны тухай бодож өнгөрөөх вэ? Бодож байх агшин бүрт тань “Ирээдүй” чинь “Өнгөрсөн” болж хувирч байна. Та үүнийг бүтээж байна.

Та үгүй болоход цаг хугацаа таныг үгүйлнэ. Учир нь та түүнийг амьдруулж, төгөлдөржүүлж, утга учиртай болгож байна.

Цаг хугацаа бол “Бурхан”. Та түүнийг утга учиртай болгодог. Мөн тэр таньд хайртай учир өөрт тань ирэх ирээдүй бүрийг таньд тааламжтай байлгахыг хүсдэг.

Гагцхүү тэрийг ямар дурсамж болгон хувиргаж буй таны “Одоо” л чухал. Таньд азгүй явдлууд тохиогоод байна уу. Та ирээдүйгээ мэдмээр байна уу. Таньд ирээдүй чинь хором хормоор ирсээр л байна. Ойртсоор л байна. Та өөрөө түүнийг хэрхэн хүлээж авч, хэрхэн өнгөрүүлж байна вэ.

Өөрт тань хэр их ирээдүй ирэх вэ гэдгийг хэн ч мэдэхгүй шүү. Ирж байгаа дээр нь түүнийг битгий дэмий үрээрэй.

Та “Бурхан”-г амьдруулж, бурханаар хайрлуулж яваа шүү…